Së fundmi Gigi Hadid udhëtoi drejt ishullit grek, Mykonos për të kaluar disa ditë pushime me motrat e saj Bella, Alana dhe Marielle.
Pavarësisht se shihet si një nga vendet më të bukura, Gigi iu ka rekomanduar të gjithëve të mos e vizitojnë Mykonos. Modelja ka treguar se ka kaluar një eksperiencë të tmerrshme, sepse është vjedhur. Gigi ka publikuar në ‘Instagram-in’ e saj dedikuar fotografive një imazh, në të cilin shihet duke pozuar me një palë bikini të zeza me pika të bardha. Bashkangjitur fotos ajo ka shkruar: “Mos e lejoni ‘Instagram-in’ t’ju gënjej. Më vodhën. Asnjëherë nuk do kthehem. Nuk do ua rekomandoja. Shpenzojini paratë tuaja diku tjetër”.
Gigi nuk ka treguar ndonjë detaj më tepër, por babai i saj Mohamed Hadid ka zbuluar çfarë ka ndodhur. Ai ka rrëfyer për “TMZ” se gjatë kohës që vajzat kanë qenë jashtë, shtëpia e tyre me qera është vjedhur, por fatmirësisht asnjëra prej tyre nuk është lënduar. Më tej ai ka treguar se janë vjedhur vetëm gjërat personale të Gigit dhe Bellas. Ndërsa për sa i përket thashethemeve të fundit për lidhjen e Gigi me Taylor Cameron, Mohamed ka thënë se as që nuk e njeh djalin në fjalë. Modelja e njohur është parë dy herë në takim me Taylor dhe për këtë arsye kanë nisur të qarkullojnë fjalë për lidhje.