Rritja e temperaturave do të jetë e ndjeshme dhe do të arrijë deri në 40 gradë.
Ndonëse muaji gusht nisi me temperature jo shumë të larta, ku mbrëmjet dhe mëngjeset kanë qenë relativisht të freskëta, një valë e re të nxehti do të përfshijë territorin shqiptar.
Duke nisur nga dita e sotme e në vijim, temperaturat do të pësojnë një rritje të ndjeshme ku kulmi pritet të shënohet gjatë ditës së dielë për të vijuar me ditët e para të javës që vjen.
Rritja e temperaturave do të jetë e ndjeshme dhe do të arrijë deri në 40 gradë.
Edhe mëngjeset dhe mbrëmjet do të karakterizohen nga temperaturat e larta.
Ndërkohë që nga mesi i javës që vjen pritet që tmeperaturat të pësojnë një rënie të lehtë.
Sipas Shërbimit Meteorologjik Ushtarak
“Në vend po ushtron ndikimin vala e të nxehtit që do të arrijë kulmin e saj gjatë së dielës dhe deri ditën e martë.
Në orët e mëngjesit dhe të mbrëmjes temperaturat do të pësojnë rritje graduale” thuhet në njoftimin e Shërbimit Meteorologjik Ushtarak.
Drobitja nga vapa dhe trajtimet e domosdoshme
Nëse vini re shenja të drobitjes nga vapa ose goditjes nga dielli duhet të merrni menjëherë hapat e mëposhtëm:
Zhvendosuni menjëherë në hije;
Mos qëndroni më në diell;
Ndizni kondicionerin ose freskuese;
Lajeni trupin me ujë të vakët;
Pini ujë ose lëngje të tjera.
Në raste ekstreme mund të përdorni kompresa akulli në zonën e qafës, sqetullave dhe ijeve.
Ndikimi i vapës në organizëm
Trupi i njeriut ka një mekanizëm i cili e mbron atë kur temperatura rritet më shumë seç e lejojnë limitet.
Ky mekanizëm është thjesht djersa. Aftësia për të djersitur është si një përgjigje kundër ajrit që ka nivele të ulëta të lagështirës.
Ne nuk e vëmë re se sa djersisim pasi një pjesë e madhe e saj avullon sapo trupi e prodhon.
Kur jashtë është shumë vapë dhe trupi nuk është i hidratuar nuk arrin të kryejë procesin e djersitjes, i cili lejon trupin që të ftohet.
Kjo krijon mundësinë që trupi të punojë në kushte të vështira dhe zemra të dëmtohet.
Prandaj the në verë është e këshillueshme që të pini lëngje sa më shumë.
Parandalimi i problemeve
Me rritjen e temperaturave është e rëndësishme që njeriu të parandalojë problemet që vijnë prej tyre.
Mbajeni trupin të freskët nëpërmjet këtyre strategjive të listuara më poshtë nga AgroWeb.org:
Qëndroni në ambiente të brendshme gjatë pikut të vapës;
Kur jeni në ambiente të jashtme, mundohuni të qëndroni në hije;
Pini 2-4 gota me ujë tepër çdo orë kur jeni të ekspozuar ndaj vapës;
Vishni rroba të lehta prej pambuku;
Lahuni me ujë të vakët;
Mbani kapele;
Shmangni pije dehidratuese me alkol dhe kafeinë;
Kaloni një pjesë të ditës në një ambient me ajër të kondicionuar.
Të qënit të informuar për simptomat e drobitjes nga vapa dhe goditjes nga dielli është një hap i rëndësishëm drejt sigurisë dhe shëndetit./AgroWeb.org