Vrasje në parajsë: Brenda “ishullit të vdekjes” të Tajlandës

Kur mendojmë për ishujt në Tajlandë, ajo që na bie në mendje janë imazhet e plazheve ekzotike, bimësisë së harlisur dhe ujit të pastër si kristali. Një nga pikat e nxehta turistike në botë, Tajlanda është bërë një destinacion i popullarizuar.

Por jo të gjithë ishujt Thai janë njëlloj. Në veçanti, Koh Tao, u quajt “ishulli i vdekjes” i Tajlandës për një arsye shumë të errët. Vitet e fundit, shumë turistë kanë paguar çmimin përfundimtar për të vizituar ishullin  – ata kanë humbur jetën e tyre. Ne po ju japim vetëm një liste të shkurtër të turistëve që kanë gjetur vdekjen në këtë ishull.

Por çfarë mund të shkojë keq në parajsë? Klikoni në galeri për ta zbuluar.

Bernd Grotsch, 2018 -Trupi i turistit gjerman Bernd Grotsch u gjet në xhungël. Ai dyshohet se vdiq nga pickimi i një gjarpri.
Elise Dallemagne, 2017 – Në vitin 2017, 30-vjeçarja, Elise Dallemagne nga Belgjika u gjet e vdekur në ishull. Trupi i saj u gjet gjysmë i ngrënë nga hardhucat. Hetimi policor konkludoi se ishte vetëvrasje.
Valentina Novozhyonova, 2017 – Rusja Valentina Novozhyonova, 23 vjeç, u zhduk nga bujtina, duke lënë pas gjërat e saj. Thuhet se shkoi për zhytje. Policia beson se ajo u mbyt në det.
Luke Miller, 2016 – BritanikU Luke Miller, 26 vjeç, u gjet i vdekur në një pishinë në Bar Sunset në Sairee Beach. Hetimi arriti në përfundimin se ai nuk ishte vrarë, por familja e tij beson ndryshe.
Dimitri Povse, 2015 – Trupi i Dimitri Povse u gjet i varur në dhomën e tij në ditën e Vitit të Ri. Policia tha se është vetëvrasje, edhe pse turisti francez u gjet me duart e lidhura pas shpinës.