Temperatura mbi 40 gradë Celsius janë regjistruar në disa zona të vendit, ndërsa vapa përvëluese përbën rrezik edhe për zjarre në disa qarqe.
Instituti i Gjeoshkencave, Energjisë, Ujit dhe Mjedisit, (IGJEUM) ne buletinin e fundit te publikuar per sot dhe parashikimin per neser, paralajmeron per kujdes te shtuar.
“Pritet rrezik “I LARTË’’ në qarqet Fier, Berat, Vlorë dhe Gjirokastër dhe rrezik “I MODERUAR’’ në qarqe te tjere sa i takon zjarreve ne pyje”- thuhet ne buletinin e IGJEUM.
Sa per temperaturat, ato neser pritet te shkojne 40 °C ne vendet e uleta.
Por temperaturat do të fillojnë të ulen nga e mërkura 14 gusht kur raportohet se do të ketë edhe reshje shiu.
ZJARRET NË PYJE
Sot pasdite (e hënë, dt.12) dhe nesër (e martë, dt.13) pritet rrezik “I LARTË’’ në qarqet Fier, Berat, Vlorë dhe Gjirokastër dhe rrezik “I MODERUAR’’ në qarqet e tjerë (siç tregohet në tabelë, respektivisht për secilin qark).
Në disa qarqe pritet rrezik “I LARTË’’ vetëm në zona të kufizuara, konkretisht në qarqet: Shkodër (Lindje), Kukës (Perëndim) Dibër (Lindje- Perëndim), Tiranë (Jug-Lindje), Durrës (Jug), Elbasan (Lindje) dhe Korçë (Jug).
RESHJET Sot pasdite (e hënë, dt.12) dhe nesër (e martë, dt.13) nuk priten reshje (siç tregohet në tabelë, respektivisht për secilin qark).
TEMPERATURAT
Nesër (e martë, dt.13) temperaturat minimale dhe maksimale të ajrit pritet të arrijnë:
në bregdet: 23 / 36 °C
në vendet e ulëta: 23/ 40 °C
në vendet malore: 18 / 35 °C.
ERA Sot pasdite (e hënë, dt.12) dhe nesër (e martë, dt.13) era do të fryjë e lehtë deri mesatare në gjithë vendin.