Motrat Vjollca na përcollën dje disa foto dhe video të këndshme nga pushimet në Dhërmi.
Në fillim ishte Luana që publikoi disa foto ku shfaqej në bordin e një jahti me Marinën, Lirën dhe nënën e tyre Maria.
“E bekuar.. Nga Familja ime & natyra e mrekullueshme e Shqipërisë! Faleminderit Zot”, shkruante Luana.
Por një koment i reperit Stresi në postimin e moderatores, ka ngjallur dyshime për lidhjen e tij me familjen Vjollca.
“Familja ime”, shkruan Stresi duke na lënë të kuptojmë se mund të ketë lidhje gjaku me Vjollcat.
Komenti i tij ka befasuar fansat e motrave të njohura shqiptare, dhe nuk kishte sesi të ndodhte ndryshe!
Megjithatë ky nuk është postimi i parë i Stresit për Vjollcat. Kohë më parë, kur ishte i ftuar në dasmën e Getoarit dhe Marinës, ai bëri një postim në Instagam ku shkruante: “Koha për familjen!”
Të kenë vërtet lidhje familjare?