Në fund të muajit korrik u mësua se Ermal Mamaqi do të bëjë pjesë të filmit të tij të ri këngëtaren e njohur Enca Haxhia.
Pas “Dy gisht mjaltë” Ermali ka nisur punën për një tjetër komedi, por nuk ka zbuluar detaje të tjera lidhur me të.
Ditën e sotme, “Xing.al” e ka konfirmuar prezencën e Encës në kastin e aktorëve me disa foto gjatë xhirimeve.
E veshur me një fustan me printe leopardi, këngëtarja shfaqet krah Ermalit teksa bisedojnë përballë kamerës.
Mësohet se kjo është dita e parë e xhirimeve të filmit, e cila mesa duket ka nisur me Encën.
Mbetet të presim derisa të zbulohen të tjera informacione lidhur me filmin e ri komedi të Ermal Mamaqit, titulli i të cilit ende nuk është bërë i ditur.