Kryeministri Edi Rama sot për hërë të parë ka treguar një sekret, që ai nuk di të ngasë makinën. Këtë sekret Rama e ka zbuluar teksa ka postuar disa foto të makinave të vjetra shqiptare që janë eksozuar në pazarin e Korçës.
Në një postim në Instagram, Rama shkruan se ky projekt ka zbukuar dhe më shumë pazarin e Korçës, dhe e ka kthyer në një qendër të graviteti për turizmin.
“S’kam asnjë lidhje me këtë makinë, se s’di as ta ngas
Po vërtetë bukur të shohësh se si Pazari i Vjetër i Korçës, pasi doli nga gropa e zhulit e rrënimit ku qe zhytur dhe u transformua, në një qendër të re graviteti për turizmin, qenka kthyer këto ditë, në një platformë ekspozimi të xhevahireve të vjetra të automobilizmit
Bravo @blendi.gonxhja dhe skuadra e tij, që përveç reformimit e ndryshimeve të mëdha, që po sjellin në menaxhimin e sektorit të automjeteve, po zhvillojnë edhe projektin e bukur @retro.albania së bashku me koleksionistët e riparuesit e apasionuar të makinave të vjetra
”, shkruan Rama.