Që pas ardhjes së Cristiano Ronaldos, sulmuesi i Juventusit, Paulo Dybala ka mbetur krejtësisht në hije. Madje, në muajt e fundit të sezonit që shkoi, ai u kthye në një lojtar stoli.
Edhe me ardhjen e trajnerit të ri, sulmuesi argjentinas nuk shihet si titullar dhe prej kohësh përflitet për një largim të tijin nga skuadra e Juventusit.
Gjithsesi, Dybala nuk e vret aspak mendjen dhe bën atë që di të bëjë më mirë: të japë maksimumin. Mbëmjen e djeshme, futbollisti 25-vjeçar ka shënuar një nga golat më të bukur të karrierës në miqësoren ndaj Triestinës.
I hedhur në fushë si titullar nga Sarri, argjentinasi ia shpërbleu besimin dhe ka realizuar një perlë të vërtetë. Kontroll perfekt i topit dhe më pas një parabël fantastike… Ndeshja u fitua 1-0 nga bardhezinjtë, pikërisht me golin e Dybalës. Ja goli që duhet të shihet më shumë se një herë: