Arbana Osmani tre ditë më parë zbuloi për të gjithë ndjekësit në rrjete sociale se shumë shpejt do të publikonte librin e saj të dytë me receta gatimi. Këtë herë libri i saj do të përmbajë receta të thjeshta që përgatiten për 5 minuta dhe në këtë mënyrë Arbana vërtetoi për herë të dytë se pasioni i saj për gatimin është shumë i madh. Siç duket këtë pasion ajo e ka pasuar edhe tek djali i saj, Joni, i cili është ndihmësi i vogël në kuzhinë i Arbanës. Sa herë që ajo gatuan diçka vogëlushi i gjendet pranë dhe pavarësisht se të tilla momente nënë e bir duken të bukura, duhet thënë se gatimi me një të vogël nuk është i lehtë. Këtë gjë moderatorja e ka treguar përmes disa postimeve në ‘Instagram’, në të cilat tregon se sa shumë kohë i është dashur të bëjë një tortë velet bashkë me Jonin. Ajo ka publikuar një foto në të cilën djali shihet duke trazuar brumin me qejfin më të madh dhe bashkangjitur saj Arbana ka shkruar: “Kemi 3 orë që duam të bëjmë një tortë të kuqe velet. E pas 3 orësh me tasa që derdhen, sheqer pluhur që fluturon, ngjyrues që ka pikëluar gjithë shtëpinë, ia dolëm të paktën ta fusim në furrë”.
Pavarësisht se gjithë shtëpia është “transformuar” pas gatimit duket se Arbana e ka shijuar shumë këtë moment me të birin dhe në fund të fundit lodhja ja vlen gjithmonë.
