Të punojmë për një Shqipëri më të drejtë ka qenë mesazhi i kreut të shtetit Ilir Meta. Ai ndodhet në Ditën e Pelegrinit në Malin e Tomorit, një festë bektashiane e përvitshme në Shqipëri.
Kreu i Shtetit tha se këtë vit kanë marrë pjesë në këtë pelegrinazh më shumë njerëz të nderuar dhe kjo është shenjë se vitin që vjen punët e Shqipërisë do të shkojnë më mirë. Ndër të tjera, Meta uroi që Abaz Aliu t’i japë forcë politikës shqiptare të çojë përpara Shqipërinë, që ajo të bëhet më e drejtë, më e bashkuar dhe më evropiane.