Balerina e njohur shqiptare, Klaudia Pepa, prej kohësh tashmë ka vazhduar karrierën e saj në Itali ku dhe është mjaft e njohur. Klaudia është shumë aktive në rrjetet sociale ku herë pas here publikon video me koreografitë e krijuara prej saj, të cilat janë pëlqyer shumë nga publiku.
Sytë nga instagrami i saj nuk i kanë vetëm fansat shqiptarë, por edhe ata italianë e kjo shihet fare mirë në komentet që ajo merr.
Së fundmi, ajo ka postuar një foto të shkëputur nga pushimet ku shihet nën shoqërinë e një mashkulli.
Në foto Klaudia shihet e shtrirë në rërë, dhe mashkulli i ka kapur këmbën.
“Më ndihmoni”- ka shkruar Klaudia.
Pas kësaj fotoje fansat kanë nisur menjëherë ta pyesin se nëse djali në foto është i dashuri i saj.
