Kati i 6-të i një pallati në zonën e Kodrës së Diellit në Tiranë është përfshirë nga flakët pasditen e sotme.
Nga pamjet e mbërritura në redaksinë e neësbomb.al, duken shtëllungat e tymit që dalin nga dritarja e katit të 6-të, ndërsa policia dhe zjarrëfikësit kanë mbërritur dhe kanë nisur punën për shuarjen e tyre. Po ashtu, banorët e pallatit që është përfshirë nga flakët, por dhe të pallateve përballë kanë dalë nga apartamentet e tyre.
Deri tani nuk raportohet për persona të plagosur dhe as shkaku i zjarrit, ndërsa priten informacione zyrtare për ngjarjen.
