Protesta më të mëdha dhe më të fuqishme ka paralajmëruar kreu i Partisë Demokratike Lulzim Basha, duke folur për mediat pas takimit me Katja Leikert, nënkryetaren e grupit parlamentar CDU/CSU për Europën.
“Opozita ka vazhduar gjatë gjithë verës aksionin e saj, do të vazhdoj të bëjë të njëjtën gjë, po bashkë me qytetarët shqiptarë, opozita përveç protestave që do të jenë më të mëdha e më të fuqishme në një situatë që është dhe më e vështirë dhe e pakapërdishme për njerëzit, do të fokusohemi dhe më shumë në zgjidhjen që do i ofrojë shqiptarëve, zgjidhje që do të jenë si në rafshin e përditshmërisë së tyre, dhe nga ana tjetër paltformën për Shiqpërinë si Europa. Opozita dhe PD ka gati dhe janë gati që bashkë me shumicën dërrmuese të qytetarëve shqiptarë duke përfshirë dhe socialistët e ndershëm, të dëshmojnë kapacitetet dhe vendosmërinë tonë për ti dhënë fund problemeve që kanë bllokuar perspektivën evropiane të Shqipërisë”, tha Basha.
Ai tha se janë dhjetëra individë me rekorde kriminale, dhe se dënon heshtjen e Edi Ramës dhe organit të akuzës për rastin Kajmaku, ku kanë kaluar 24 orë që PD ka publikuar dokumentet zyrtare.
“Kjo është një provë më shumë, a thua se duhen më shumë prova, se mali i provave është bërë më i lartë se mali i Dajtit, zgjidhja e krizës kalon përmes zgjedhjev të lira e të ndershme. Një qeveri tranzitore pa Edi Ramën dhe zgjedhje të parakohshme dhe parlamentare me një ditë me zgjedhjet kushtetuese lokale. PD dhe opozita e bashkuar është në komunikim të vazhdueshme me faktorin ndërkombëtar. Pjesë e këtij konunikimi ishte dhe takimi i sotëm me nënkryetaren e CDU/CSU në parlamentin gjerman, komunikim që vazhdon intensivisht dhe do të vazhdojë dfhe në ditët e javët në vijim. Një gjë është e sigurtë, PD dhe opozita e vendosur në qëllimin që i ka vënë vetes që ditën e parë”, tha Basha më tej.