Nga dy shtatori do të nisë regjistrimi i fëmijëve në kopshte, periudhë e cila pritet të zgjasë për dy javë. Lajmi u dha nga Drejtoresha e Qendrës Ekonomike e Zhvillimit dhe Edukimit të Fëmijëve, Zhaneta Beqiri e ftuar në rubrikën “Opinion” në News24. Ndërsa sqaroi procedurat dhe dokumentet e nevojshme që prindërit duhet të kenë për të regjistruar vogëlushët në kopsht, Beqiri shpjegoi edhe si do të kryhet përzgjedhja e fëmijëve, cili do të qëndrojë në kopsht me fjetje apo jo, ku prioritet tha ajo do të kenë fëmijët të cilët kanë prindërit në punë.
“Në 2 shtator nisin aplikimet për në kopshte. Dy javë do të zgjasë periudha e regjistrimeve, në kopsht do të ketë një komision, i përbërë nga drejtoresha e kopshtit, edukatorja më e vjetër si edhe një përfaqësues i bashkisë. Për prindërit është e patolerueshme, kartela e vaksinimit, certifikata e fëmijës dhe ajo familjare ( karte dhe autorizim qe ta bëjmë ne ) dhe vërtetimin e punës, për të bërë ndarjen e fëmijëve me gjumë e pa gjumë.” u shpreh Beqiri, ndërsa komentoi edhe menunë që do të kenë fëmijët përgjatë këtij viti.
“Ne gjatë kësaj periudhe, kemi bërë ndryshime sa i takon shërbimit në çerdhe e së fundi në kopshte, krenar na bën ndryshimi i menusë. Fëmijët edukohen me shijet e zakonet e te ngrënit më mirë.
Ishte njëushqyerje konform rekomandimeve të OBSH për fëmijë të shëndetshëm. Zhurma një keqdashësi nga zërat e ndryshëm. Prindërit kërkojnë sot recetat e gatimit dhe na falënderojnë për mënyrën se si gatuhet ne çerdhe. Duke marrë opinionet e prindërve, me indicien e tyre dhe rekomandimet, do te shohim ndryshimet në menu, për të bërë më të mirën për fëmijët” tha më tej Beqiri.
Gjithashtu Drejtoresha e Qendrës Ekonomike e Zhvillimit dhe Edukimit të Fëmijëve, bëri të ditur se me nisjen e këtij viti, synohte që kopshtet në Tiranë të mos kenë më shumë se 25 fëmijë, ndërsa në grup do të qëndrojnë dy edukatore dhe një punonjëse mbështetëse. Ndër të tjera Beqiri vuri theksin në raportin edukatore fëmijë ndërsa paralajmëroi masa të forta ndëshmikore në rast se do të hasen shkelje./ Balkanweb