Fakti që sezoni turistik veror po shkon dalëngadalë drejt fundit, e bën të natyrshme pyetjen:
Si ishte që ta bëje plazhin në Shqipërinë e disa dekadave më pare? Po një shekull më parë? A shkonin shqiptarët me pushime verore?
Nëse po, si ishin plazhet? Po çadrat e shezlonet? Po kostumet e banjos? A shkonin buzë detit vetëm të pasurit, apo edhe të varfërit? Vetëm meshkujt, apo edhe femrat?
Kjo foto e rrallë e Kel Marubit (1870-1940) është shkrepur në plazhin e Shëngjinit, këtu e një shekull më parë.
Është shumë interesante që të shihet në të, ajo pjesë e Shqipërisë që na bën krenar për evolucionin që kemi pesuar.
Kjo foto evidenton jo vetëm fillimet e turizmit në Shqipëri, por edhe elementet e rinj social- kulturore të jetesës!
Nuk duhet harruar se sapo kishim dalë nga nata 500 vjeçare e pushtimit osman dhe në vend kishin filluar ndryshimet e para me ndikim nga qytetërimi perëndimor!
