Gjashtëmbëdhjetë fëmijë kanë zhvilluar “sindromën e njeriut ujk” pasi kanë marrë ilaçe të kontaminuara në Spanjë.
Foshnjat janë diagnostikuar me hypertrichosis, rritje të qimeve në të gjithë trupin, pasi u është dhënë një formulë me minoxidil, një ilaç për trajtimin e mungesës së flokëve.
Agjencia Spanjolle për ilaçe dhe produkte shëndetësore urdhëroi që një numër i madh produktesh të prodhuara nga Farma-Química Sur SL, një kompani farmaceutike me seli në Malaga, të hiqen nga qarkullimi më 11 korrik.
Foshnjave ju dha omeprazoli i kontaminuar, i përdorur për të trajtuar refluksin si dhe problemet me tretjen, si pjesë e formulës.
Sipas raportimeve, në momentin që fëmijëve ju ndalua marrja e këtyre ilaçeve, rritje e qimeve filloi të zbehej.
Prindërit janë këshilluar të kërkojnë ndihmë mjekësore nëse fëmijës së tyre i është dhënë formula dhe të kontrollojnë nëse kanë blerë ndonjë produkt që është i prekur.
Zyrtarët besojnë se ‘ndotja’ mund të ketë prekur deri në 30 farmaci dhe më shumë se 50 pako me medikamente.