“Çështje” dite është bërë shkarkimi kolektiv i drejtorëve të institucioneve në Qarkun e Shkodrës. Deklaratat e Kryeministrit Rama në Këshillin Drejtues të Rajonit të Veriut, një ditë më parë në Shëngjin, dhe sot në Kryesinë e PSSH-së kanë nxitur reagime e komente të ndryshme.
Gazetari Musa Kurtulaj shprehet se problemet e Shkodrës nuk janë thjeshtë punë drejtorash, ato sipas tij janë më të thella dhe se duhet shumë punë për t’i zgjidhur.
Postimi i gazetarit:
Kush mendon se problemet e Shkodrës janë punë drjtorash rajonal, gabon rëndë, shumë rendë ! Po të ishte kështu, atëherë kjo zgjidhet sa të hapësh dhe të mbyllësh sytë ! Problemet e Shkodrës janë shumë e shumë më të thella se sa ato që kanë të bëjnë me drejtorat rajonal, ndaj mos të mendojë njeri se zgjidhen pa i njohur mirë, pa i pranuar siç janë dhe pa u treguar i ndershëm, i përgjegjshëm, vizionar dhe i vendosur për të bërë më të mirën e mundshme !