Kanë dalë momentet e arrestimit të DJ-t mjaft të njohur për publikun shqiptar, Vin Veli. Në videon e publikuar nga Report TV, shihet teksa forcat speciale dhe ‘Shqiponja’ e nxjerrin Velin nga clubi “De Charme”.
I veshur me bluzë të kuqe dhe duke folur në telefon, Veli ecën drejt makinës së policisë me sirena të ndezura dhe krahas tij ndodhet një efektiv. “Leje telefonin”, dëgjohet teksa i thotë dikush.
Dj Vin Veli u arrestua gjatë orëve të para të mëngjesit të sotëm në club “De Charme” në zonën e ish-Bllokut në Tiranë. Bashkë me të janë shoqëruar edhe dy persona të tjerë, ndërkohë që ende nuk bëhen të ditura motivet.