Në barazim 0-0 është mbyllur pjesa e parë e ndeshjes në mes Vllaznisë dhe Tiranës që po luhet në Shkodër. Një 45 minutësh i dominuar kryesisht nga shkodranët, por edhe miqtë kanë patur rastet e tyre, ndoshta më të pastra dhe mund të kishin kaluar edhe ata në avantazh.
Ndonëse pritshmëria ka qenë për më shumë tifozë në shkallët e stadiumit, sërish atmosfera nuk ka munguar në “Loro Boriçi” në kryendeshjen e javës së tretë të Kategorisë Superiore.
Në minutat e para është Vllaznia që ka më shumë grintë, por sërish i mungojnë goditjet në portën e Likës. Në minuten e 8-te ata kanë pretendime për 11-metërsh për pengim të Emerson brenda zone, por arbitri Jorgji nuk është i këtij mendimi.
Epërsia e kuqebluve shtohet dhe në minutën e 16-te kemi një aksion të bukur të Vllaznisë, por gjuajtja e Likës përfundon jashtë
Loja fiton emocione sepse edhe Tirana tregon se ka shkuar me pretendime për ta fituar ndeshjen.
Në minutën e 37-të goditje dënimi për Vllaznine, gjuan Emerson dhe topi kalon ngjitur me traversën e portës bardheblu.