Ish-sekretari i Përgjithshëm i Partisë Demokratike, Arben Ristani, ka reaguar përmes një postimi në rrjetet sociale, duke theksuar se Lulzim Basha me strategjinë e tij antisistem ka dështuar. Ai nënvizon se si pasojë e vendimeve të kreut demokrat, Rama po merr gjithnjë e më shumë pushtet. “Strategjia e PD për të mundur Ramën dhe Rilindjen, nëpërmjet daljes nga sistemi, rezulton të jetë rrugë e gabuar. Kjo, jo se Rama dhe krimi janë të fortë dhe të pathyeshem, përkundrazi, Ramës i ka mbaruar koha morale për të qeverisur.
Është strategjia antisistem, e ndjekur nga opozita, në thelb e gabuar dhe e destinuar të dështojë, e cila i jep Ramës mundësinë të ketë në dorë të gjitha pushtetet dhe t’i krijojë hapësira krimit, të shkatërrojë dhe zhvasë pasuritë e shqiptarëve dhe të ardhmen e fëmijëve tanë”, thotë Ristani.
Një nga figurat më të rëndësishme të PD vitet e fundit ka
edhe një sugjerim për Lulzim Bashën që sipas tij do ta rikthente PD-në brenda
sistemit.
“Rikthimi i opozitës në sistem, tashmë në këtë fazë
ku ndodhemi, nuk bëhet me pretendime, por me veprime që provojnë qënien pro
sistem.
Prova kryesore sot, pro sistem, është qëndrimi ndaj
reformës në drejtësi dhe kontributi konkret për ta mbështetur ate, për ta përmirësuar
atë, dhe për të mirëpritur rezultatet e saj”, thekson Ristani. /
tirananews.al