Pakti për Universitetin vijon me fazën e dytë të punësimit të ekselentëve në administratën shtetërore.
Departamenti i Administratës Publike bën të ditur se të rinjtë që kanë mbaruar minimalisht ciklin e parë të studimeve bachelor dhe/ose master profesional/shkencor me mesatare 9.00-10.00 në secilin prej cikleve të studimit ka afat deri në 20 shtator të aplikojë për 219 poizicione pune.
Por ndryshe nga hera e parë, rregullat kanë ndryshuar. Diploma e çdo niveli duhet të jetë përfituar nga viti 2015 e në vijim, ndërsa herën e kaluar aplikanti duhet të kishte një diplomë nga viti 2017 e në vijim.
Ekselentët mund të aplikojnë në portalin e krijuar nga Pakti për universitetin punetëmbarë.al ose dap.gov.al.