Në ditët e sotme, gjithnjë e më shumë njerëzit po rishikojnë modelin “martesë- fëmijë” dhe po propozojnë versione alternative për një ‘happy end’ që dikur mund të ishte një: çift në altar, me gruan që ëndërron fustanin e nusërise dhe burri me kostum dhëndri, por tashme jo më.
Konkretisht, sipas një studimi të Pew Research Center , 42% e të rriturve amerikanë nuk kanë një partner të qëndrueshëm. Ndërkohë, numri i familjeve me një anëtar është duke u rritur me shpejtësi në të gjithë botën, ku Danimarka është një shembull kryesor, ku, sipas një studimi, 40% e banorëve të saj jetojnë vetëm. Ndërsa mosha mesatare në të cilën martohet dikush është rritur ndjeshëm në dekadat e fundit për të dyja gjinitë.
Por pse në një kohë kur, kemi më shumë mundësi për të gjetur lehtë gjysmën tjetër, zgjedhim një mënyrë të vetmuar jetese? Shkencëtarët po përpiqen të shpjegojnë këtë fenomen.
Disa faktorë sugjerojnë se për shumë të rritur, martesa dhe fëmijët nuk janë më përparësitë themelore në jetë. Për më tepër, në ditët e sotme një pjesë e madhe e të rinjve janë të papunë, kështu që ato nuk i plotësojnë kriteret moderne që kërkojnë për një partner të qëndrueshëm. Megjithatë, siç psikologu Eric Klinenberg argumenton në librin e tij “Going Solo”, sot ne jemi më pak të gatshëm për kompromis për të ruajtur – ose përfunduar – një marrëdhënie.
Por ekziston një faktor i qëndrueshëm që ndikon në marrëdhëniet tona: mjedisi familjar në të cilin jemi rritur. Kjo do të thotë, nëse do të kishim prindër mbivlerësues ose indiferentë, ka më shumë të ngjarë që do ta kemi të vështirë të kultivojmë një lidhje të shëndetshme në të ardhmen.