Cristiano Ronaldo vijon të jetë në qendër të vëmendjes edhe jashtë fushave të blerta.
Ylli portugez është bërë temë diskutimi në mediat sportive, pasi vendosi të shes vilën e tij mbresëlënëse. E ndërtuar në një kodër në rajonin portugez të Guerrero, vila e cila ishte pronë e Ronaldos është shitur për shifrën e 2.3 milionë dollarëve.
Por kush është blerësi? Ashtu siç edhe Ronaldo, blerësi është një kampion Europe me Portugalinë në vitin 2016. Bëhet fjalë për Pepe, i cili ka përfituar nga miqësia me Ronaldon për ta blerë vilën për një shifër tavani. Nga kjo shitje, Ronaldo ka humbur rreth 1.25 milion dollarë.
Vila unike është e rrethuar nga një pyll, teksa në brendësi të saj ka një palestër, një pishinë me përmasa olimpike, fusha tenisi dhe një pistë helikopteri.
Ronaldo e ndërtoi vilën në vitin 2012 duke marrë pjesë në modelimin dhe dekorimin e brendshëm, duke i dhënë atëherë afro 3,5 milionë dollarë. Por shtatë vjet më vonë ai vendosi ta shiste shtëpinë. Nga kjo lëvizje, Pepe do të gjej si fqinj ish-trajnerin e tij te Reali, Jose Mourinho.
