Prefekti i Qarkut Dibër dhe kryetarët e bashkive Mat, Klos, Bulqizë e Dibër kanë diskutuar sot në lidhje me gjendjen e shkollave, kopshteve e çerdheve si dhe masat që janë marrë nga pushteti vendor për rehabilitimin e të gjitha mjediseve mësimore.
Prefekti Nexhbedin Shehu nga ana e tij falenderoi kryetarët e bashkive Agron Malaj, Ilmi Hoxha, Lefter Alla dhe Dionis Imeraj për gatishmërinë e treguar dhe investimet që po kryhen në çdo shkollë të Qarkut Dibër. “Ne, tha Prefekti, trashëgojmë një situatë jo të mirë të ambjenteve shkollore. Asnjëherë si tani pushteti lokal nuk ka punuar kaq mirë për lyerjen e shkollave, instalimet elektrike dhe hidrosanitare, pastrimin e mjediseve pranë shkollave, etj”.
Drejtuesit vendor u shprehën se përkushtimi i tyre nuk do të mungojë në asnjë rast, madje do të jenë bashkëpunues me të gjithë faktorët që ndikojnë në përmirësimin e kushteve në shkolla. /tirananews.al/