Pjesa më e madhe e sipërfaqeve bujqësore në Tërbuf të Lushnjës prej 50 vitesh mbillet me luledielli. Puna për prodhimin e farave është e vështirë, por shumë fermerë e mbjellin këtë bimë. Tani bëhet vjelja e lulediellit. Kultivuesit ngrihen që herët në mëngjes për ta mbledhur.
Gjithë procesi i vjeljes kryhet me duar, ndërsa vetëm transporti i tyre bëhet me mjete. Pas vjeljes farat thahen në lëmin e fshatit të ndërtuar para viteve 90.
Ky vit nuk ka qenë shumë produktiv për shkak të motit të keq. Problem për kultivuesit e lulediellit mbetet çmimi i ulët i tregtimit. Rreth 500 ha sipërfaqe mbillet në luledielli në Lushnjë dhe Divjakë dhe nga to nxirret 1 000 ton fara.