Të rinjtë nga Kukesi dhe Prizreni janë trajnuar prej 2 javësh nga profesorë të Universitetit Bujqesor të Tiranes per njohjen e bimeve medicinale dhe frutave te pyllit, si dhe startimin e bizneseve te vogla ne kete fushe.
Këto dy zona janë vende kufitare dhe kane nje shumëllojshmeri te bimeve medicionale dhe frutave te malit. Projekti me qëllim zhvillimin e zonës dhe krijimin e sipërmarrjeve vendase financohet nga Bashkimi Evropian, në kuader të fondeve te IPA-as, ne kuader te programit per bashkepunim nderkufitar Shqiperi-Kosove.
Programi titullohet “Fuqi Punëtore e Shkathët për Integrim Ekonomik për ti dhënë mundësi më shumë të rinjve të zonës të nxisin bashkëpunimin, shkëmbimin e përvojave, punësim të qëndrueshëm të punëkërkuesve, trajnimin e të rinjve për të mbështetur integrimin socio-ekonomik në rajonin ndër-kufitar Shqipëri-Kosovë.
“Kam qenë trajner i ftuar në këto trajnime të rëndësishme për sensibilizimin e të rinjve në zonën e Prefekturës së Kukësit në lidhje me frutat e malit që kanë një interes të veçantë që lidhen ngushtësisht me rajonin që po flasim. Pa dyshim që kjo ka qenë iniciativë e mrekullueshme dhe e vlerësuar maksimalisht nga të rinjtë. Kam parë një sensiblizim dhe dëshirë të të rinjve për të msuar dhe për të parë me kujdes cilat janë pjesët më delikate dhe të rëndësishme të asaj që ndikon në të gjithë zinxhirin e vlerës së frutave të malit”, tha Dr.Prof Alban Ibraliu, Universiteti Bujqesor Tirane.
Të rinjtë nga Kukesi dhe Prizreni vizituan edhe nje pike grumbillimi ne Peje per bimet medicionale dhe frutave te malit per te pare nga afer punen, dhe idene e krijimit te bizneseve.