Oficerë të Policisë Gjyqësore Dibër kanë rimarrë në pyetje Fatjon Ketën, të dyshuarin kryesor për vrasjen e 21-vjeçarit Arlind Pasha.  22- vjeçari i dyshuar u mbajt i izoluar dhe nuk iu tregua se Pasha kishte ndërruar jetë, por ai në asnjë rast nuk ka shprehur pendesë për vrasjen me thikë, të ndodhur në qendër të qytetit Bulqizës. “Nuk jam penduar fare për vrasjen e Arlind Pashës. Ai dhe të tjerë si ai më shanin dhe kërcënonin çdo ditë. Po të kisha mundësi, do të vrisja dhe të tjerë. Boll i kam duruar”, është shprehur 22-vjeçari.