TIRANE– Ka përfunduar darka në një nga restorantet e Tiranës mes zv. presidentit të PPE-së, David McAllister, eurodeputetit Knut Fleckenstein dhe ambasadores së BE, Roamana Vlahutin.
Në një kohë kur pritej të zgjidhej kriza politike, ndërkombëtarët janë tërhequr që ditën e parë të negociatave mes opozitës dhe mazhorancës. Knut Fleckenstein është shprehur për mediat se nuk do ketë më negociata për zgjidhjen e ngërçit politik.
“Nuk do ketë më negociata. Politikanët do përballen me sfida të mëdha. Njoh shumë vende të Evropës që ju mbështesin”- tha Fleckenstein.
Ndërkohë, McAllister ka thënë se BE mbështet Shqipërinë dhe se politikanët po përballen me sfida të mëdha.
Prej afro 3 muajsh opozita zhvillon protestë në çadrën e ngritur para godinës së kryeministrisë, ku kërkon dorëheqjen e kryeministrit Edi Rama dhe krijimin e qeverisë teknike për garantimin e zgjedhjeve të lira dhe të ndershme. /TiranaNews/