Socialistët e Skraparit në mbledhjen e fundit të asamblesë së tyre janë shprehur se strukturat e tyre janë të angazhuara maksimalisht që në zgjedhjet e 30 qershorit 2019 bashkia e këtij rrethi të fitohet nga Partia Socialiste. “Nuk mund të pranojmë që edhe pas 12 vitesh bashkia e Skraparit të drejtohet nga Lëvizja Socialiste për Integrim, kur të gjithë e dimë sa keq janë menaxhuar shërbimet e qytetarëve në këtë bashki”, nënvizuan oratorët.
Nga ana e tij drejtuesi politik i rajonit Blendi Klosi përcolli për antarët e AS Skrapar vendimet e fundit të AK-së. Kryefjala e mbledhjes së Asamblesë Socialiste të Bashkisë Skrapar ishte rioganizimi i strukturave lokale të partisë, përzgjedhja me kujdes e kandidatëve për këshilltarë, digjitalizimi i strukturave deri në nivelin e njësive administrative.
Koalicionet djathtas e majtas të LSI-së kanë bërë që bashkia e Skraparit të drejtohet për 12 vite nga kjo forcë politike. Me siguri ndikim ka patur edhe fakti që ish lideri i LSI-së është nga kjo krahinë.