Anjeza Shahini dhe partneri i saj, diplomati anglez Paul Edward Conolly, u bënë prindër për herë të parë më herët këtë vit, të një vazje të vogël të cilës i vendosën emrin Tori.
Këngëtarja e njohur poston jo rrallë foto në Instagramin e saj së bashku me të bijën, por në të njejtën kohë përpiqet të jetë sa më e rezervuar për çastet që kalon me të. Por mesa duket, ajo nuk ka mundur të mos e ndajë me ndjekësit, momentin kur Tori, aq e vogël sa është, qëndron përpara mikrofonit dhe siç thotë Anjeza, bën disa back-vokale.
“Kush ka nevojë për disa back-vokale? Shpirti mamit kjo?”- shkruan këngëtarja shqiptare bashkangjitur me postimin në Instagram.
Dhe Tori, përveçse ka një shije shumë të mirë në muzikë, të kultivuar nga Anjeza, sepse shfaqet në sfond me një prej këngëve më të bukura të Coldplay, duket se dhe kur të rritet do të ndjekë hapat e së ëmës, pasi shfaqet e lumtur përpara mikrofonit.
Plus që është më e intonuar se shumica e këngëtarëve të momentit në tregun muzikor shqiptar. Ndërkohë Anjeza, edhe pse ndodhet në Londër, nuk e ka lënë pas dore muzikën, sepse siç e kemi parë në rrjetet sociale, ajo jep mësime private në studion e saj dhe studentët duken shumë të kënaqur me një mësuese që ka prekur dhe skenën e Eurovizion-it. /Blitz.al/