Në Maqedoninë e Veriut është bërë me dije se çmimi i naftës do të rritet, duke filluar nga dita e martë. Rritja do jetë 1.9 lekë shqiptarë ose e thënë ndryshe vetëm një denar.
Mediat në Maqedoninë e Veriut shkruajnë se Eurosuper BS 95 do të shitet 67.50 denarë për litër (133.2 lekë) Eurosuper BS 98 do të shitet për 69.50 denarë për litër (137.4 lekë). Ndërkohë, nafta do të shitet për 62.50 denarë për litër (123.5 lekë).
Përmendim që Maqedonia e Veriut është vendi me çmimet më të lira të karburanteve. Kjo, pasi mbi naftën nuk vendoset taksa e rrugës, siç është ajo që vendoset në Shqipëri.
Kjo është arsyeja kryesore që shumë drejtues automjetesh nga zonat kufitare si Dibra apo Pogradeci, zgjedhin Maqedoninë e Veriut si mundësinë e marrjes së naftës dhe benzinës me çmim më të lirë.