Delinda Disha u largua “fshehurazi ” nga “Portokallia”, me Jul Dedën nuk flas/ Salsano Rrapi flet për kolegët e tij

Aktori dhe drejtuesi i spektaklit të humorit Salsano Rrapi i ftuar në emisionin e mëngjesit “Rreze Dielli”  ditën e sotme ka rrëfyer disa të pathëna nga puna e tij.

Ai është shprehur se të aktrosh dhe të moderosh në të njëjtën kohë është e vështirë dhe ka veçuar aktrimin si punën që do më shumë.

Për ndryshimet në sezonin e ri ai ka thënë se është surprizuar nga largimi i Delinda Dishës  pasi ajo është larguar pa i treguar asnjeri më parë se do të largohej.

“Ishte pak çudi sepse ajo iku si me thënë fshehurazi. Mbasi bëmë turneun e “Portokallisë”, vetëm kur i kishte thënë regjisorit që do largohem”,- është shprehur  Salsano

Aktori gjithashtu ka treguar se i vetmi person i larguar nga “Portokalli”, me të cilin tashmë nuk fliste më, ishte Jul Deda.
“Nuk kam pasur ndonjë konflikt por thjesht nuk flas, ose atij i duket meqë ka ikur e nuk do ti flas asnjërit”: ka thënë aktori.