Kryeministri Edi Rama ka vizituar një godinë të Arkivit të Shtetit, pas rikonstruktimit dhe dixhitalizimit të dokumentave të historisë shqiptare.

Rama ka publikuar një video gjatë vizitës së tij, ndërkohë Drejtori i Përgjithshëm i Arkivave, Ardit Bido bën me dije se me anë të dixhitalizimit çdo person mund të pajiset me një kartën individuale elektronike dhe mund të marrë informacionin e nevojshëm, duke bërë një kërkesë online në Arkivat e Shtetit.

Gjatë vizitës, kryeministri tha se gjëja më e rëndësishme është mbrojtja e dokumentave nga deklasifimi.

‘Është një punë e mirë e vitit të Skënderbeut se u bë shkak për t’u fokusuar më shumë dhe për ta adresuar një plagë të vjetër dhe të rëndë dhe fakti që tani është gjithçka e dixhitalizueshme është një garanci e madhe për ruajtjen e tyre, në një kohë që patjetër duhet të përfundojmë garantimin e të gjithë dokumentave në territorin e Shkozës dhe sigurisht të vazhdojmë me ato elementët e tjerë që kanë të bëjnë me krijimin e gjithë hapësirës komplekse dhe me orët e pushimit. Gjëja më e rëndësishme është që u arrit të mbrohet ajo që mund të quash deklasifikimi me pikëpamje materiale dhe jo me pikëpamje përmbajtësore’, tha Rama.