Një mësues nga fshati Gremë i Komunës së Ferizaj shihet duke rrahur në orë të mësimit një nxënës me shuplaka.Në një video të publikuar nga mediet kosovare, shihet momenti i rëndë, kur mësuesi rreh nxënësin, ndërsa raportohet se ngjarja ka ndodhur në shkollën fillore “Enver Topalli”, në këtë fshat.
Ndërkohë, raportohet se profesori me inicialet XH.T vazhdimisht ushtron dhunë fizike ndaj nxënësve.
Komuna e Ferizajt ka marrë masa disiplinore ndaj mësimdhënësit Xh.T për ushtrimin e dhunës fizike ndaj nxënësit të shkollës “Enver Topalli” në Greme të Ferizajt.