Ashtu siç kishte bërë të ditur më herët këtë të premte Era Istrefi publikoi këngën e saj të re, “Let’s get married”!”, një bashkëpunim me artistët e huaj me famë botërore, Offset dhe Yellow Claw.
Videoklipi i dedikohet historisë reale të një çifti, të cilët ishin fansa të mëdhenj të grupit Yellow Claë.
Gjatë videoklipit, djali rrëfen se ai ishte i pari që ishte fiksuar pas grupit Yellow Claw, për të cilin grindej shpesh edhe me partneren e tij. Ajo bëhej xheloze pasi i dukej se partneri i kushtonte më shumë rëndësi “Yellow Claw” sesa asaj.
Mirëpo, me kalimin e kohës Yellow Claw kishte filluar t’i pëlqente dhe grupi ishte arsyeja që ata u afruan më shumë me njëri-tjetrin.
Madje, në njërin prej koncerteve të tyre, djali i kishte propozuar partneres për martesë në skenë, në sy të Yellow Claw dhe miliona fansave të pranishëm.
Historisë së tyre Yellow Claw i ka dedikuar këngën “Let’s Get Married” në bashkëpunim me Era Istrefin dhe Offset.
Gjatë këngës, Era dëgjohet të këndojë një pjesë shqip: “Se si ti, s’o asnjo, njo si ti, s’e gjej mo” dhe s’mund të ishim më të lumtur se kaq!