Kryetarja e Lëvizjes Socialiste për Integrim, Monika Kryemadhi, ka shuar gjithë dyshimet që kanë qarkulluar për kandidimin e saj përballë Erion Veliaj, në garën për Bashkinë e Tiranës.
E ftuar në studion e lajmeve në Ora News, Kryemadhi është shprehur se opozita ende nuk e ka vendosur cili do të jetë emri, por janë duke vendosur disa kritere.
‘E para nuk e kemi diskutuar dhe jemi duke vendosur disa kritere.
Bashkia e Tiranës është shumë e rëndësishme për tju oftuar qytetarëve shumë shërbime’, tha kryetarja e LSI.
Gjithashtu, Monika Kryemadhi u shpreh se emri i saj është përmendur gjithmonë në prag zgjedhjesh si formë kërcënimi, madje dhe kur kanë qenë në pushtet me socialistët, ndërkohë që ka theksuar se sfida e Tiranës nuk i përket asaj por është sfidë e qytetarëve të kryeqytetit.
‘Nuk besoj se emri ka shumë rëndësi, por unë nuk e kam menduar ndonjëherë.
Emri i Monika kryemadhit ka dalë gjithmonë në formën e një kërcënim në prag zgjedhjesh, madje dhe nga socialistët. Sfida e Tiranës nuk i përket Monikës si individë, por është sfidë e qytetarëve të Tiranës’, përfundoi Kryemadhi kur u pyet nga gazetarja Beti Njuma në lidhje me mundësinë e kandidimit të saj.