Më 6 tetor, në Kosovë do të mbahen zgjedhjet e jashtëzakonshme, ndërsa duket se kanë filluar edhe ofertat për shitjen e votës.
Nuk dihet nëse është shaka apo e vërtetë, por në faqet që përdoren për shitblerje në internet, në Kosovë, qytetarët kanë caktuar edhe çmimet për votat e tyre, e kjo e fundit varion nga subjekti politik.
Për Partinë Demokratike të Kosovës vota shitet me çmim më të lartë, duke pasuar me Lidhjen Demokratike të Kosovës e më pas me Lëvizjen Vetëvendosje.
Madje, ka qytetarë të cilët kanë shkruar se shesin më shumë se një votë.
