Nënkryetari i LSI-së, Petrit Vasili, ndërsa komentoi raportin e Komisionit të Venecias, të publikuar dje, tha se ndjeu keqardhje për konsiderata politike në raport. Në një intervistë në “Kjo Javë”, në “News24”, Vasili u shpreh se Komisioni “duhet të ketë pasur pëshpërima në vesh”, ndërsa shtoi se Presidenti Meta doli shumë më i fortë.
“Presidenti Meta doli dhe u bë, në kuptimin e mirë të fjalës, shumë më i fortë në raportin e tij që t’i shërbejë integritetit kushtetues dhe tërësorë të vendit. Presidenti i Meta i ka bërë një shërbim shumë të madh”, tha Vasili.
Nënkryetari i LSI shtoi se nuk kishte shumë kërshëri për këtë raport, që në momentin që dëgjoi ish-ministra të PS të jepnin deatje për përmbatjen e tij, në momentin që ende ekspertët e Venecias nuk kishin mbaruar punën në Tiranë.
Ndjeva keqardhje për konsideratat politike në raport. Konsideratat politike nga një organ i Këshillit të Europës, një lloj legjitimi i zgjedhjeve pa zgjedhje më krijoi keqardhje. Duhet të ketë pasur edhe pëshpërima në vesh, kjo ishte shumë vulgare“,- deklaroi Petrit Vasili.