Zonat bregdetare do të mbizotërohen nga një mot i kthjellët të dielën. Por nga ana tjetër zonat e ulëta dhe malore do të paraqiten me kthjellime dhe vranësira kalimtare.
Sipas Meteoalb, parashikohet që mbrëmja dhe orët e natës të vijojnë me kthjellime dhe vranësira. Këto të fundit do të jenë më të dukshme në pjesën lindore të vendit.
Temperaturat e ajrit do të luhaten nga 9°C në mëngjes deri në 32°C në mesditë. Era do të fryjë e lehtë dhe mesatare nga drejtimi veriperëndimor, duke krijuar në brigjet detare dallgëzim 2-3 ballë.