Këngëtarja e njohur, Metrita Halili ka treguar momentin kur ka takuar këngëtaren shqiptare me famë ndërkombëtarë, Dua Lipën.
E ftuar në emisionin “Soiree”, së bashku me bashkëshortin e saj, Raif Hysenin, Merita Halili tha se nuk e dinin që Dua do të ishte aty dhe se më pas kishin kërcyer të gjithë nën ritmet e muzikës popullore.
“Ne nuk e dinim që do të ishte Dua Lipa. Kur e pamë, e cila doli nga dhoma e grimit, kemi thirrur ‘Duaa’ dhe ajo na njohu e na tha ‘tani do të vij tek ju’. Më pas u futëm për të bërë muzikë, aty u shkrimë me muzikën popullore dhe gati dogjëm edhe shaminë”, ka rrëfyer Merita Halili.
Para 2 vitesh Dua Merita Halili e Raif Hyseni ishin të ftuar në emisionin “The Untitled Action Bronson Show”, të reperit Action Bronson.
Artistet shqiptare kanë kënduar këngën “Doli goca n’penxhere” duke bërë që të pranishmit të ngrihen në këmbë e të kërcejnë nën ritmin e muzikës shqiptare.