Detaje të reja janë zbuluar ditën e sotme për ekzekutimin e ish-policit Santiago Malko.
I arrestuari i nëntë për këtë vrasje Bledi Teta, tashmë mban mbi supe edhe akuzën e veprës penale vrasje me paramendim ndërkohë që gazetarja Klodiana Lala ka paralajmëruar se nëse kjo dosje do të zbardhet, emra të njohur dhe trafiqe kokaine do të dalin në dritë.
“Kjo ngjarje do të zbardhet, madje mendoj se do të preken emra të njohur të botës së krimit, që mund të jenë përfshirë në këtë ngjarje, por edhe në ngjarje të tjera kriminale.
Nëse SPAK do hetojë gjitha pasuritë e tyre, lidhjet e tyre me politikën dhe zyrtarë të lartë, do të kemi një sërë ngjarjesh të tjera që do të zbardhen.
Nëse dosja nuk do fokusohet vetëm te vrasja e Malkos, do zbulohen shumë vrasje të ndodhura në Tiranë, Laç e Durrës, në të kundërt këta persona do të arrijnë t’ia hedhin. Kjo do ishte një dramë e madhe, pasi askush nuk kishte të drejtën t’i merrte jetën Malkos. Secili duhet të mbajë peshën për atë që i takon”, tha gazetarja.