Ndeshja e sotme e Ligës së Europës mes Dudelanzh dhe Karabak është ndërprerë për një ngjarje që kujton shumë atë të pesë viteve më parë mes Serbisë dhe Shqipërisë. Një dron me një flamur në dukje kundër Azerbajxhanit sa i përket luftës me Armeninë, ka fluturuar me stadium dhe ka sjellë braktisjen e takimit.
Pak çaste pasi Mishel shënoi golin e dytë për Karabak, mbi stadium filloi të fluturonte një dron i vogël i cili mbante të lidhur në të një flamur të madh. Nga reagimi i lojtarëve të skuadrës azere dukej qartësisht se ishte një flamur i cili kishte lidhje politike me situatën e krahinën së Nagorni Karabak për të cilën Azerbajxhani është në luftë me Armeninë.
Disa futbollistë tentuan që me goditjet e tyre me top të hidhnin poshtë dronin por pa sukses, ndërsa gjyqtari i ndeshjes me sinjalizimin delegatëve të UEFA-s, vendosi ndërprerjen e takimit, duke e cilësuar situatën të rrezikshme për dy skuadrat.