19 nxënës të një shkolle në Postribë të Shkodrës kanë përfunduar në spital me shenja helmimi. Sipas mjekëve, nxënësit janë paraqitur me simptoma si : marrje mendsh dhe të vjella.
Nga ana tjetër prindërit dyshojnë se janë helmuar nga ushqimi dhe uji tek një “fast Food-”, i cili ndodhet shumë pranë ambienteve të shkollës. Bluzat e bardha theksojnë se 15 nxënës pasi kanë marrë mjekim janë larguar, ndërsa katër prej tyre vijojnë të mbahen në mbikëqyrjen e mjekëve.