Nënë e bijë janë mbytur në një rezervuar në Pogradec. Mësohet se fillimisht ka qenë vajza që ka rënë në pus. Për t’i ardhur në ndihmë është futur edhe nëna e saj, por për fat të keq asnjëra prej tyre nuk ia doli.
Një banor i fshatit, Sherif Lilo në një prononcim për mediat shprehet se gropa ku u mbytën nënë e bijë ishte hapur për të vaditur tokën, ndërsa ngjarja thotë se ka ndodhur nga pakujdesia.
“Gropat shërbejnë për vaditje dhe janë të thella 2-3 metra, pasi nuk ka sistem vaditje. Po shkojmë në 2020 dhe ne nuk kemi ujë për të pirë, jo më për vaditje, prandaj i kemi hapur gropat nga e keqja. Me pompa me benzinë nxjerrin ujin.
Zotëria ka qershi, lajthi dhe mollë, që vadit 10 dynym tokë. Unë nuk e di si ka ndodhur ngjarja, pasi nuk kam qenë. Gruaja ka edhe tre fëmijë, burri punon në Greqi, dhe tani ka shkuar në Maqedoni, nuk e di a ka ardhur. Ngjarja ka ndodhur nga pakujdesia” tha ai.