Ndryshe nga kabineti i parë, pas riformatimit të qeverisë, Kryeministri Rama vendosi që detyrën si ministër t’ua besojë të rinjve.
Nga një vëzhgim që ka bërë tirananews.al, rezulton se shumica e ministrave, janë të datëlindjes ’80, por nuk mungojnë edhe ata më të rinjtë që nuk kanë bërë ende 30 vjeç dhe që i përkasin datëlindjes ’90.
Rezulton se më i riu, ndonëse zyrtarisht është zv. Ministër i Jashtëm, është Gent Cakaj që ka lindur më 6 korrik 1990.
Më pas vjen Ministrja e Shtetit për Marrëdhëniet me Parlamentin, Elisa Spiropali që ka lindur në Tiranë, më 15 mars 1983; Ministrja e Arsimit, Sportit dhe Rinisë Besa Shahini që ka lindur në Prishtinë, në vitin 1982; Ministra e Drejtësisë Etilda Gjonaj (Saliu) që ka lindur më 6 maj 1981, në qytetin e Pukës dhe më pas Ministrja e Kulturës Elva Margariti që ka lindur në Tiranë, më 14 qershor 1980.
Këta janë më të rinjtë e kabinetit qeveritar, ndërsa më pas vjen ministrja e Mbrojtjes Olta Xhaçka, 25 dhjetor 1979; Ministra e Shëndetësisë dhe Mbrojtjes Sociale Ogerta Manastirliu që ka lindur në Tiranë më 31 dhjetor 1978. / tirananews.al