Këtë vit Shqipëria dhe Kosova do përfaqësohen në “Miss Globe” nga dy bukuroshet Klea Bushi dhe Eriona Sejdiu, njëra bjonde e tjetra brune.
Klea Bushi e cila përfaqëson Shqipërinë është nga Tirana dhe prej 22 vitesh ka jetuar në Itali. Ajo ka fituar edhe “Miss Pavarësia” mes vajzave të diasporës.
Ndërsa Eriona Sejdiu përfaqëson Kosovën. 19-vjeçarja studion shkencat juridike në Prishtinë dhe mes tjerash ka qenë aktive në disa projekte televizive.
Së fundmi të dy vajzat kanë pozuar së bashku duke mbajtur flamujt e duke bërë shqiponjën me duar. I urojmë fitore dy bukurosheve.
