Dyshja shumë e njohur e ekranit, Arbana Osmani dhe Eduart Grishaj, tashmë nuk ngurrojnë ta pranojnë hapur dashurinë e tyre dhe aty këtu kemi dëgjuar nga të dy edhe deklarata dashurie për njëri-tjetrin.
Madje, gjatë premierës së filmit të tij, regjisori iu drejtua Arbanës si “gjëja e tij më e mirë”, duke marrë vëmendjen e të gjithëve.
Ata janë mbështetësit më të mirë të njëri-tjetrit dhe bashkëpunojnë për gjithçka.
Së fundmi, Eduarti po e ndihmon Arbanën me librin e saj të ri të gatimit.
Ai po asiston si fotografi personal i moderatores, duke shkrepur fotot e të gjitha ushqimeve që ajo po gatuan.
Madje, vetë Arbana ndau pak më parë në InstaStory një video të ëmbël të Eduartit teksa fotografonte pjatat e saj, duke treguar sa i përkushtuar është partneri në gjithçka që ka lidhje me Arbanën.
“Dita e fundit”- dëgjohet të thotë Arbana, ndërsa Eduarti duket tepër i përkushtuar në aparatin e tij fotografik, duke u munduar të japë më tv mirën nga vetja për moderatoren.