Për herë të parë pas 29 vitesh është pastruar rruga nacionale Burrel-Shkopet në rrethin e Matit. Thirrjes së bashkisë Mat i janë përgjigjur sot të paktën 1500 persona, punonjës të bashkisë Mat, të institucioneve vendore dhe nxënës të shkollave të mesme e 9 vjeçare të kësaj bashkie.
Kryebashkiaku Agron Malaj falenderoi punonjësit dhe drejtuesit e institucioneve qëndrore në nivel vendor. Ai tha se angazhimi ishte serioz dhe se pastrimi i mjediseve publike dhe rrugës nacionale do të kryhet në mënyrë periodike.
Organizatorët u bënë thirrje qytetarëve të tregojnë më shumë kujdes për të mbajtur pastër oborret e pallateve, sheshet, trotuaret si dhe mjediset e tjera të përbashkëta. /tirananews.al/
