Bernard Toçi, vëllai i policit që mbeti i plagosur pas ngjarjes së rëndë që ndodhi në Kavajë, ku u vra një person, është lënë sërish pas hekurave. Gjykata e Kavajës caktoi sot masën e sigurisë “arrest me burg”. Toçi u arrestua ditën e enjte, pasi gjatë një kontrolli të ushtruar nga policia, pak pas vrasjes së Dritan Haxhollit në banesën e Marsida Qatjas, iu gjetën 7 dosa kokainë.
Bernard Toçi akuzohet pasi iu gjet një sasi lënde narkotike në banesën e tij, për prodhim dhe shitje të narkotikëve. Po sot do të mbahet seanca gjyqësore edhe për vëllain e tij (Polici ndodhet i shtruar në spitalin e Durrësit), ndërsa ndryshe nga ai, polici i burgut të Durrësit akuzohet për vrasje me dashje të Haxhollit.
Befasues ka qenë veprimi i babait të dy djemve, pasi ai ka paraqitur një deklaratë noteriale ku deklaronte se kokaina ka qenë e tija, ndërsa prentendon se e perdorte per qetesues.
Ai kishte sqaruar në deklaratën e tij se para disa vitesh kishte kryer një aksident, gjë që i kishte sjellë shqetësime, duke bërë që ai të pinte kokainë për të qetësuar dhimbjet.