Kryeministri Edi Rama ka përfunduar vizitën e tij në Bruksel dhe ka deklaruar se nuk do ketë një ndarje mes Shqipërisë dhe Maqedonisë së Veriut për rrugën drejt BE.
I ftuar në emisionin “Open”, Rama shtoi se diskutimet po vijojnë ende dhe gjithçka do të vendoset nesër. Ai u shopreh se qëndrimi i Macron shuan shpresat për një dritë jeshile.
Një vit më parë ju u thatë shqiptarëve dhe duhet të pritet, por kjo nuk ka qenë e vërtetë? Çfarë ka ndodhur?
Nuk e thash unë, është shkruar e zeza mbi të bardhë nga Këshilli Evropian. Pikë së dyti dëgjova zotërinjtë në studio e dua të them se ndarja e Shqipërisë nga Maqedonia e Veriut nuk ka qenë e shumicës, por e pakicës. Të gjithë krerët e BE-së u thonë shqiptarëve dhe Maqedonisë së Veriut, se ky nuk është problemi ynë dhe nuk e keni fajin ju. Kjo çështje nuk lidhet me ne, por me përplasje të brendshme. Fjala e fundit nuk është thënë ende dhe do thuhet. Qëndrimi i presidentit Francez është një qëdrim që mbyll një dritë jeshile sot, por nuk do të thotë se mbyllen shpresat përgjithmonë.
Ka realisht shpresa për nesër?
Përderisa debati vijon për këtë çështje do të thotë se nuk ka një përfundim akoma.